Blog

最新文章
鴻福堂期間限定布甸狗POP-Up Cafe
文︰Kelly Chan 最近大家係唔係都比鴻福堂X布甸狗卡娃兒既餐具洗版呢,據聞第一日已被搶購一空, 大家搶唔到唔緊要,因為鴻福堂又有新攪作, 位於九龍灣淘大商場鴻福堂分店由即日至2018年2月28日,就設有期間限定既布甸狗POP UP Cafe。 開幕禮當日許廷鏗更以特約廚神的身份出席,即場炮製布甸狗甜蜜蜜雪糕布甸。 POP-UP Cafe 仲有期間限定食品。布甸狗甜蜜蜜雪糕布甸 $48/份 震騰騰既芒果布甸配以自家製楊枝甘露雪糕,楊枝甘露雪糕芒果味香濃,仲食到一支支的鮮柚肉,用料十足,甜到入心。 布甸狗奶皇包 $8/個 布甸狗造型既奶皇包,賣相超Kawaii,而且奶味香濃幼滑,最岩大人小朋友齊齊食。 布甸狗魚片併燒賣滋味套餐 $15/份 鴻福堂既燒賣一向熱賣,配埋布甸狗造型既魚片,滋味無窮,完全唔捨得食。 蟹皇南瓜素翅羹$53/包 (於12月1日至12月31日期間購買,可享優惠價$36/包) 南瓜素翅羹南瓜香濃,加上可愛既骨頭造型紅蘿蔔及雪耳,能夠滋陰潤肺,味道香甜幼滑,岩哂冬天享用。 布甸狗迷唔好錯過今次既POP-UP Cafe 啦。 鴻福堂 X 布甸狗 POP-UP Cafe 地址︰牛頭角道77號淘大商場一期地下G141號舖 電話︰2556 1055
最新文章
東海 – 大閘蟹 · 珍嚐套餐
文︰Kelly Chan 又到一年一度食大閘蟹既季節啦,「大閘蟹」只有秋天才有供應,錯過了就要等明年才有得食。今次小編就帶大家黎到專提供靚蟹既東海薈,東海薈環境別緻,望著維港景色,最岩一班朋友黎擦蟹。 東海今年推出「大閘蟹 • 珍嚐套餐」$398/位 首先出場的是招牌【鮮味蟹粉小籠包】 小籠包內全是鮮拆蟹肉及蟹粉,並不添加豬肉,每隻大閘蟹的蟹粉及肉最多只可製作2隻蟹粉小籠包,十分矜貴,蟹油從包內徐徐滲出,細綿幼滑,甘香無比。 【生拆蟹粉蒜蓉包】 金黃色的蟹粉混合了蟹黃蟹膏及蟹肉而成,集結大閘蟹的精華,加上香脆的蒜蓉包,中西式既食法,充滿新鮮感,蒜蓉的惹味襯托出蟹粉的鮮香,每一啖既是香脆又是軟綿,充滿啖啖蟹鮮,令人吃過不停。 主角當然是【清蒸大閘蟹】 套餐內包每位兩隻足4.5-5兩的大閘蟹,蟹肉鮮甜無比,蟹黃飽滿,質感黏糯軟滑,帶濃濃的蟹膏香,今年既水準比往年更為優勝,蟹迷可以慢慢拆。 套餐點止得蟹咁少,比埋其他你睇。 【蟲草花北菇燉花膠湯】 入秋怎少得燉湯補一補,蟲草花燉花膠湯菌香濃郁,花膠口感嫩滑,就最岩一眾女士養顏。 【海皇湯手打烏冬】 【金湯時蔬】 【薑茶湯丸】 最後來的是薑茶湯丸比大家驅寒溫胃,湯丸一共有3款口味,包括芝麻、花生及坊間少見的片糖湯丸,口味隨機分發,食唔食到片糖湯丸,就要睇自己運氣啦。 【MENU】 $398/位就有咁多野食,蟹迷錯過的話,就要等明年。   東海薈 地址:金鐘添美道1號中信大廈5樓 電話:2877 2211 營業時間:星期一至日:11:00-15:00,18:00-23:00