人物專訪ifoodie

人物專訪 最新文章
點心配雞尾酒 至Chill新食法
飲啖茶食件點心都可以好Chill,雞尾酒配一籠一件的點心的Pairing 係英國極為流行,位於中環蘇豪區的興中會就將這股熱潮帶到嚟香港,等大家可以坐住半山,嘆住靚酒,細嚐大廚的點心工藝。 興中會調酒師Jaime 曾在四季酒店任職,當中的雞尾酒更是獲獎無數,當心大心細時,Jamie 亦會幫你拿主意。 (前) Clover Club 配精點,以紅莓、Gin 酒、檸檬汁及蛋白調配而成,入口酸酸甜甜,充滿果香,最岩用來消滯。 (後) Kalbiste Gloden Apple 配煎炸小吃,以冧酒、桂花、伏特加、蘋果汁、青檸調配而成,充滿清香的桂花香氣,配煎炸小吃最適合不過。 每件點心都只是單件計算,可以多嚐不同款式。 興中會蝦餃皇、帶子黑松露燒賣都是招牌點心,蝦餃蝦肉鮮嫩彈牙,燒賣口內滲滿黑松露香,確是與別不同,令人一再回味。 飽點亦十分抵食,每件都是$10  必食有菜肉飽同炸饅頭,質感鬆軟。 XO醬煎腸粉$38 煎腸粉外脆內軟,加上XO醬特別惹味。 煎餃子$58 唔夠喉,仲有特式蒸飯同小菜比你揀。 荷葉蒜蓉海蝦飯$128 大蒜控一定會喜歡這款籠仔蒸飯,海蝦上鋪滿金銀蒜,海蝦肉質鮮,滲入荷葉飯中,蝦肉口感彈牙,加上祕製甜鼓油,令人食過返尋味。 興中會炒飯 $158 是大廚得意之作,以XO醬、帶子、菜心、大蝦製成的招牌炒飯,用鐵板炒製而成,令飯粒不會黏身,粒粒分明,份外香口。 興中會 地址︰中環士丹頓街11號地下 電話︰2110 0350 TEXT ﹠ PHOTO:邱蓮達            
人物專訪 最新文章
2018 AIA 友邦嘉年華 攤位遊戲攻略
聖誕節除左睇燈飾食Buffet 外,每年跨年必玩既活動一定係AIA 友邦嘉年華,今年友邦嘉年華係2018年12月14日至2019年2月17日舉行,嘉年華內有攤位及機動遊戲,仲有100萬只毛公仔等緊大家嬴取返屋企,除了遊戲外,今年最矚目的一定係歐陸雜技團的空中精湛表演,小編帶大家去睇下今年有咩玩。 歐陸雜技團的空中精湛表演是不能錯過的項目,今年有超過50名成員參與,仲有多項高難度演出,包保睇到眼定定,齊齊拍手叫好。   今次攤位遊戲的毛公仔亦十分吸睛,有大家最熟識的《侏羅紀世界》、《怪獸大學》、《迷你兵團》、《銀河護衛隊》及《星球大戰》等等,亦是歷年最高質素,平均每個攤位只需$20就可以玩一次,一齊同小編睇下有咩好玩。 攤位遊戲篇︰ 【木桶江山 Lobster Pot】 獎品︰Minions / Winnie the Pooh 難度︰普通 祕技︰將波向上輕輕以拋物線方式投入木桶內,小球唔跌出,就可以獲獎。 【牛奶桶】 獎品︰小飛象 / 胡廸 / 巴斯光年 / 毛毛 / 大眼仔 難度︰高 祕技︰將波投入牛奶桶內,就可以獲獎,但樽口位細,彈出機會較大,只要用陰力對準入口輕輕一拋,得左。   【罐頭神射手】 獎品︰Marvel 公仔 難度︰普通 玩法︰將小球射向鐵罐,射中7個就可以獲獎,不過容易射失。    【沙壺球】 獎品︰Chip ‘n’ Dale / Pluto 難度︰高 玩法︰將木球推入分數欄內,再以得分計算獲獎,不過就十分容易踩界,需要技巧,眼看容易,難度十分高。 【保齡球】 獎品︰Winnie the Pool 難度︰普通 玩法︰把小球撞跌保齡球就可得分,但不能反彈,十分易中獎。 【杯中勿語】 獎品︰毛毛 / 大眼仔 難度︰普通 玩法︰把小球拋進有顏色的杯內即可獲獎,小球易於彈走,沒有技巧可言,全憑運氣,祝大家Good Luck。 【乒乓滾下】 獎品︰Tsum Tsum 難度︰全場最易玩 玩法︰把小球推進分數欄內,以總分數換禮物,輕易中獎,是全場最易玩最易中禮物的攤位。 機動遊戲篇︰ Mach 5 每年AIA必玩的機動遊戲,轉桿及座位都會360°係高空瘋狂喪轉,一時面向天一時面向地,充滿離心力,尖叫度十足,最啱鐘意刺激既朋友。 Atmos Fear 同樣是左右搖擺喪轉,類似海盜船。 青蛙轉…