ifoodie

最新文章
台灣美食巡禮 必買直送愛文芒
香港人愛食台灣食品,而上環永安百貨總店,最近就舉行了台灣美食巡禮, 有最新最地道既伴手禮比大家選購,等大家唔洗飛去台灣都可以有得食。 而指定台灣食品,仲有九折優惠,大家咪話唔抵! 包括有【海邊走走牛軋梳打餅】,鬆化既梳打餅夾著牛軋糖,煙煙韌韌,咸甜夾集著,令人一塊接一塊。 相信不少朋友都愛食新台陽既【香脆豬肉紙】同【豬樂條】,仲有多款口味比你揀。 台灣直送特產香甜多汁既【芭樂】同當造【愛文芒】,愛文芒同芭樂都係搶手貨,過造就要等下一年,所以要食就要襯手。 港人最愛既急凍既【台灣牛肉麵】,只需要返屋企煮一煮就食得,方便快捷,岩哂兩口子在家慢慢嘆。 台灣美食巡禮 地點︰上環永安百貨總店地庫 日期︰即日起至6月4日
最新文章
「沙田18」- 特製中式雪糕及甜品
文︰Kelly Chan 位於沙田凱悅酒店的「沙田18」,在城中享負盛名,除了北京片皮鴨出色外, 特製的中式甜品更是相當有名,令人有意想不到的驚喜。 沙田18行高級中菜路線,地方闊落,加上落地玻璃、開放式廚房及花園的設計,令人儘享這裡的風光。 話梅冬瓜 HK$128 「話梅冬瓜」是沙田18主廚何振雄師傅的拿手好戲,冬瓜具有清熱解暑的作用,配上話梅,酸酸甜甜份外開胃。 沙田18餐牌亦提供多款素食,顧及素食人士的需要。 紫薯百合菱角餃 (素) HK$58 / 4件 寮步彩椒子薑炒素雞(素) HK$218 貓爪草珍珠貝燉肉汁湯 HK$148/位 貓爪草產自南方,對淋巴排毒很有效,配上珍珠貝加上肉汁燉,味道清甜。 牛乳粥水鮮芡實浸斑片 HK$328 大良牛乳有「東方芝士」美譽,以咸香的牛乳煮成粥水,加入鮮芡實及石斑片,石斑的鮮甜細嫩跟牛乳的奶香配合得天衣無縫。 野山椒汁秋葵炒牛肉 HK$318 何師傅用的是自家浸製陳皮油,加上山椒汁及陳皮粒,快炒秋葵及牛仔柳粒, 牛仔柳的香騷鮮嫩,跟山椒及陳皮醬十分匹配,味道更加豐富,份外惹味。 大澳蝦膏帶子炒飯 HK$238 用上本地生曬的大澳蝦膏,加入帶子粒,帶有咸香及惹味。 主菜做得出色,固然令人拍案叫絕,但最教人期待的卻是沙田18的中式甜品,是以中式的涼果加入甜品內,充滿創意。 蜜糖九製檸檬雪糕 HK$42/球 九製檸檬大家吃得多,但加入雪糕內就變得份外清新及滋味,多了一份咸味及回甘,十分過癮。 椰子石榴雪葩 HK$42/球 帶有香濃的椰子味,配上石榴的清香,酸酸甜甜夾雜著,十分清新。 紅棗軟蛋糕 HK$70 紅棗軟蛋糕質感十分軟綿,入口即化,富有濃濃的紅棗香,岩哂補血用,配上一球茉莉花茶的雪糕,散發著優雅的花香。 紅棗雲耳糕 HK$65 沙田 18 地址:沙田澤祥街18號沙田凱悅酒店4樓 電話:37237932